Brukarutval 

Haukeland universitetssjukehus sitt brukarutval skal ivareta pasientar og pårørande sine interesser, og bidra konstruktivt til å betre tenestene.

Medlemmene kjem frå dei to store samanslutningane av pasientorganisasjonar, FFO og SAFO pluss Eldrerådet i Hordaland og Kreftforeninga.

Dette er Brukarutvalet i Helse Bergen med funksjonstid frå sommaren 2012 til 2014:

Leiar
Jorunn M. Bakke
Tlf: 92 04 61 83

Nestleiar
Anne-Berit Kolås

Sekretariat
Magne Høgelid, Helse Bergen
Tlf: 55 97 57 07/97 49 34 83

Mandat for brukarutvalet
Brukarutvalet er oppnemnd av styret ved Helse Bergen HF og er rådgivande organ for administrerande direktør og styret ved Helse Bergen HF i brukarrelaterte spørsmål.

Brukarutvalet sin leiar kan etter behov bli invitert/innkalla til Helse Bergen HF sine styremøter.

Utvalet er uavhengig av føretaksleiinga i sitt daglege arbeid, er sjølvstendig i forhold til brukar- og pårørande sine interesser, og uttaler seg på fritt grunnlag i aktuelle saker.

Utvalet sine hovudoppgåver

• å bidra til gjensidig tillit og forståing mellom brukar og behandlar
• å halde seg orientert om brukarrettar og plikter og medverke til å spreie kunnskap om slike rettar og plikter
• å være pådrivar for at kunnskap blir spreidd og for at krava i 
  pasient- og brukarrettslova blir følgde opp
• å følgje opp korleis foretaket ivaretek informasjonen om pasientrettar
• å vere merksam på krav i styringsdokument som vedkjem pasientar og pårørande
• å halde seg oppdatert i forhold til budsjettsituasjonen i Helse Bergen
• å oppnemne representantar til utval/prosjektgrupper
• praktisk tilrettelegging for pasientar og pårørande
• å bidra til oppfølging av brukarundersøkingar overordna på føretaksnivå
• å informere om brukarutvalet si verksemd

Samansetjing og konstituering
Pasientorganisasjonane kjem med forslag om representantar i utvalet. Utvalet skal ha 8 medlemmer fordelt med utgangspunkt i medlemsstorleik. FFO deltek med fem representantar, SAFO med to representantar og eldrerådet med èin representant.

Det er ønskjeleg om medlemmene bringer med seg kunnskap om situasjonen til sentrale pasientgrupper som kronisk sjuke, psykisk sjuke, rørslehemma, kreftsjuke, trafikkskadde og det å vera pårørande til sjuke born. Medlemmene har funksjonstid på to år og kan veljast på nytt.

Utvalet konstituerer seg sjølv, leiar og nestleiar blir valt for to år om gangen men kan veljast på nytt. Utvalet vel sjølv arbeidsforma si og medlemmene kan delta i prosjekt/ arbeidsgrupper som blir etablert i føretaket.

Omfattar alle institusjonar
Alle utvalet sine medlemmer, brukarar og pårørande, føretaksleiinga, avdelingar, råd og utval, tilsette og einskildpersonar, etatar og organisasjonar utanfor Helse Bergen kan fremme saker for komiteen og bli gitt tilgang til informasjon frå  utvalet si verksemd.