Personal- og organisasjonsavdelinga er sjukehuset sitt samla fagmiljø for rådgjeving og utviklingsstøtte innan HR området. I sjukehuset er det den enkelte leiar som har ansvar for oppfølging av eigne medarbeidarar, og for å fatte nødvendige avgjersler knytt til tilsetting, oppfølging og endring. Våre medarbeidarar gir støtte til leiarane i deira utøving av leiarrollen i form av opplæring, leiarrådgjeving, leiarutvikling, prosjektleiing og utvikling av rammeverk og rutinar. Til kvar eining er det det knytt ein personalrådgjevar og ein HMS-kontakt som er leiars kontaktpunkt til fagmiljøet i Personal- og organisasjonsavdelinga.
Personal- og organisasjonsavdelinga gir bistand på følgjande hovudområde:
- Bemannings- og arbeidsplanlegging
- HMS
- Leiarutvikling
- Lønnsforhandlingar, forlik og avtaleverk
- Omstilling
- Organisasjonsutvikling
- Personalpolitikk og personalhandbok
- Rekruttering
- Vikartenester
Medarbeidarane i Personal- og organisasjonsavdelinga er delt på fem seksjonar, og dei arbeidar gjerne i team på tvers av seksjonane for å løyse sine oppgåver. Dei har høg kompetanse innan sine fagområder, og avdelinga legg stor vekt på fagleg utvikling for den enkelte, for seksjonane og for avdelinga som heilhet.
Våre einingar
Bemanningssenteret | HMS-senteret | Strategi, organisasjon og leiing | Personalpolicy | Bemanningsløysingar og tarifforhandlingar