Målgruppe og formål 

LMS har som mål at brukarane skal få utvida innsikt om eigen situasjon og bli styrka i sin meistring av kvardagen.

LMS er forankra i verdiane om brukarmedverknad og sidestilling av brukarerfaring og fagkunnskap. Læringstilboda vert utvikla i nært samarbeid med dei ulike fagmiljøa på sjukehusa og dei enkelte brukarorganisasjonane.

Erfarne brukarar har viktig kunnskap om korleis det er å meistre kvardagen med ein kronisk sjukdom eller funksjonsnedsetting. Erfarne brukarar kan og omfatte familie og andre pårørande.

Både den faglege kunnskapen til helsepersonell og brukarane sin erfaringskunnskap er nødvendige for å utvikle gode læringstilbod.

Rettleiing skal bidra til at enkeltmenneske gjer sjølvstendige val og får kraft til å meistre eigen livssituasjon. Brukarane sine erfaringar skal vere utgangspunktet for rettleiing og informasjon.

Brukermedverknad kan definerast som «aktiv deltagelse fra pasienter, pasientrepresentanter eller potensielle pasienter, i planlegging, overvåkning og utvikling av helsetilbud» (Crawford et al., 2002, s.1263).

Gruppetilbod - tilboda på LMS er i grupper fordi læring er ein sosial prosess der deltakarane og lærer av kvarandre. 

Læring kan definerast som relativt varige endringar av kunnskapar, ferdigheiter og haldningar.

Meistring dreier seg i stor grad om opplevinga av å ha krefter til å møte utfordringar og å ha kontroll over eige liv.