Jobbfast 

Innhald i dagane ved Jobbfast

• Pasienten møter eit tverrfagleg team av legar, psykolog, fysioterapeut og arbeidskonsulent

• Det blir samtalar, utfylling av spørjeskjema og klinisk undersøking

• Det blir undervisning og samtale om belastninga i arbeidslivet som pasienten er tilvist for, og om rettigheiter og plikter i arbeidslivet.

Vi oppsummerer funn og vurderingar saman med pasienten og eventuelt med pårørande og drøftar mulige tiltak vidare. Jobbfast har ei terapeutisk tilnærming, og vi gjer derfor ikkje sakunnige vurderingar.

Oppsummeringa blir presentert og tiltaka drøfta i oppfølgingsmøtet med tilvisande lege.

Nytteverdi

• God behandling er at pasienten får fortelje si historie og får sette den i samanheng. Dette oppnår vi både ved utgreiing, eigenforteljing, undervisning og samtale.
• I et samarbeid med pasienten og tilvisande lege er målet at pasienten kan vere yrkesaktiv. Jobbfast vil gi konkrete innspel i den samanhengen.  

Tilvisinga frå lege

• Send vanleg spesialisttilvising til Yrkesmedisinsk avdeling  

Tilvisinga skal kome frå legar eller psykologar med avklart oppfølgingsansvar for pasienten. Helst vil vi ha bedriftslege eller fastlege med i samarbeidet.

Kriterium i tilvisinga:

• Pasientar med redusert helse som følgje av konflikter, mobbing, seksuell trakassering eller varsling i arbeidslivet.
• Tilvisaren må forplikte seg til ein
  oppfølgingssamtale per telefon der pasienten er hos
  tilvisaren etter utgreiinga på sjukehuset.
• Det er ikkje eit krav at pasienten skal være sjukemeld.
• Uavhengig desse kriteria bør bedriftslege vurdere bedriftsinterne tiltak.

Tilbodet ved Jobbfast kjem ikkje inn under pasientrettigheitslova når det gjeld juridisk bindande tidsfrist for oppstart behandling/utgreiing.

Prosjektplan for Jobbfast

Einingsleiar Jobbfast
Nils Magerøy, telefon 55 97 82 45
Yrkesmedisinsk avdeling
Haukeland universitetssjukehus