Helse Bergen er ein arbeidsstad der du får gode muligheiter for både fagleg og personleg utvikling. Det er eit stort mangfald av yrker og jobbar som skal til for å oppfylle visjonen vår om å fremme helse og livskvalitet til befolkninga i vest.
Vil du bli ein av oss? Sjå våre ledige stillingar
Vi er rundt 11 000 menneske som arbeider her! Vi kjem frå alle verdsdelar og over 30 forskjellige nasjonar. Vi er alle ulike med forskjellige roller, men vi har eit felles mål om at vi skal vere best mulig på det vi gjer.
Eit sjukehus blir ikkje drive av enkelte yrkesgrupper aleine. For at vi skal vere til det beste for pasienten må over 100 yrkesgrupper jobbe saman i eit finstemt fellesskap.
Her er nokre av dei:
legar, sjukepleiarar, radiografar, hjelpepleiarar, bioingeniørar, medisinteknikarar, administrativt personell, statistikarar, kjemikarar, reinhaldarar, portørar, kommunikasjonsmedarbeidarar, økonomar, juristar, jordmødre, fysioterapeutar, ergoterapeutar, lærarar, logopedar, fysikarar, sosionomar, psykologar, gartnarar, snekkarar, rørleggarar, ingeniørar, heismontørar, konditorar, kokkar, ernæringsfysiologar, sekretærar, prester, laborantar, vektarar, ambulansepersonell, økonomar og IKT-folk.
Kvart år rekrutterer vi om lag 1000 nye medarbeidarar.
Vi har alltid behov for dyktige og motiverte fagfolk innan dei fleste helsefaglege område. Behovet vårt for arbeidskraft er ikkje berre innan helsefag, vi har også behov for teknisk-, økonomisk- og administrativ fagkompetanse.